Аларга бушлай юридик ярдәм күрсәтәчәкләр

Республика Дәүләт Җыелышы депутатлары “Башкортстан Республикасында түләүсез юридик ярдәм турында”гы законга үзгәрешләр кертәчәк.

Републикада әти һәм әни булуны дәгъвалаганда бушлай юридик ярдәмнән кулланып булачак. Тиешле төзәтмәләрне Дәүләт Җыелышы–Корылтай  депутатлары парламентның пленар утырышында кертәчәкләр.

Парламент рәисе Константин Толкачёв сүзләренчә, әлеге закон проектын кабул итү  бушлай юридик  ярдәм алуга хокуклары булган гражданнарны  судларда һәм дәүләт органнарында  нечкә мәсьәләләрне хәл иткәндә квалификацияле хокукый ярдәм  белән тәэмин итәчәк.

Туганлыкны билгеләү мәсьәләләре аерым социаль әһәмияткә ия, дип саный Константин Толкачёв. Андый эшләр артыннан йөргәндә күпсанлы документлар рәсмиләштерү, дәлилләр туплау, шул исәптә  генетик экспертиза ясату да таләп ителә. Әмма барысының да яхшы юрист хезмәтен түләргә акчасы булмаска мөмкин,  шулай итеп, кайберәүләрнең  катлаулы суд процессларында ярдәмсез калу ихтималы бар.

Шуңа күрә депутатлар түләүсез юридик ярдәм алу мөмкинлеген киңәйтү карарын кабул итте, чөнки, алар фикеренчә, ата һәм ана булу хокукларын яклаудан  һәр гаилә куллана алырга тиеш. 

Чыганак: bashinform.ru