Батыр уллар тәрбияләгән алар: СВО яугирләренең әтиләренә хөрмәт күрсәтелә

Фонд филиалында геройларның әтиләре - еш кунаклар. Алар яңалыклар белән уртаклаштылар, үзләренә күрсәтелеп торган ярдәм чаралары турында сөйләделәр. Шулай ук яңа иҗтимагый бүләк - "Ватанны Саклаучының атасы" медале хакында фикер алыштылар, аны Русия халыклары ассамблеясенең төбәк бүлеге "Ватанны саклаучылар" фондының Башкортстандагы филиалы белән берлектә гамәлгә куйды. Беренче бүләкләрне октябрь ахырында Әтиләр көне алдыннан тапшырылачак, дип көтелә.

 

"Бу бүләкне үз вакытында булдырылган, дип саныйм. Чын патриот тәрбияләүдә әтинең роле бәяләп бетергесез", - дип җиткерде үз фикерен РФ Герое Тамерлан Илһамовның әтисе Әнсар Илһамов.

"Улларын тәрбияләүдә атаның ролен бәяләү һәм тану мөһим. Һәлак булган солдатларның әтиләре берләшкән һәм волонтерлык эшчәнлеге алып барган, фронтка гуманитар ярдәм күрсәткән, сугышчыларга ярдәм итү өчен еш кына алгы сызыкка килгән, ветераннарга ярдәм иткән мисаллар күп. Нәкъ менә шундый әтиләр әлеге бүләккә кандидат булачак та инде", — диде Гөлнур Кулсарина.