Уфада ШОС саммиты мәйданчыгын һәм көн тәртибен билгеләячәкләр

Радий Хәбиров Шанхай хезмәттәшлек оешмасы саммитына әзерлек буенча киңәшмә уздырды.

Катнашучылар оештыру структурасын һәм эш юнәлешләрен формалаштыру, масштаблы халыкара форум мәйданчыкларын билгеләү, шулай ук вакыйгаларга бай көн тәртибен әзерләү мәсьәләләре буенча фикер алыштылар.

Төбәк җитәкчесе дәүләт башлыклары катнашлыгында форумнар әзерләүдә чит ил тәҗрибәсен өйрәнүнең һәм саммитны оештыруга алымнар куллануның мөһимлеген ассызыклады.

"Республика Уфада ШОС саммитын лаеклы уздыруга омтылачак. Халыкара мөнәсәбәтләрнең әһәмиятен һәм Русиянең хәзерге дөньядагы ролен барысы да аңлый. Безнең өчен бу чараны кабул итү – зур дәрәҗә һәм бер үк вакытта җаваплылык та”, – дип билгеләде Радий Хәбиров.

Исегезгә төшерәбез, 2015 елда Башкортстан башкаласы ШОС һәм БРИКС саммитларын кабул итте. Бу заманча кунакханә һәм туристлык инфраструктурасын булдыруга ярдәм итте. Соңгы елларда Уфа танылган конгресс үзәгенә әверелде, анда иң югары дәрәҗәдәге халыкара һәм федераль чаралар уза. 

Чыганак: bashinform.ru