Путин Кытайга кылачак сәфәре турында сөйләде

Русия Президенты Владимир Путин үзенең “күптәнге яхшы дусты”, КХР Рәисе Си Цзиньпин чакыруы буенча чираттагы тапкыр Пекинга баруына шат булуын белдерде. Русия лидерының чыгышының видеосы Кремль сайтында урнаштырылган.

Ул билгеләп үтүенчә, даими рәвештә визитлар алмашу һәм Русия-Кытай сөйләшүләрен югары дәрәҗәдә уздыру ике ил арасындагы мөнәсәбәтләрне үстерү һәм аларның потенциалын ачу буенча уртак тырышлыкның аерылгысыз өлеше булып тора.

Путин Кытайга ике көнлек визиты барышында сәясәт, икътисад, оборона өлкәсе, гуманитар алмашулар һәм кешелек арасындагы аралашу темалары күтәреләчәген ачыклады. "Ягъни [Илләр] ике яклы хезмәттәшлекне тирәнәйтүгә һәм безнең дәүләтләрнең һәрьяклап үсешенә хезмәт итә торган барысын да бергәләп эшлиләр", – дип билгеләде ул.

“Шул ук вакытта без кемгә дә булса каршы дус түгел, ә тынычлык һәм гомум чәчәк ату эшенә эшлибез”, – дип йомгаклады Путин. 

Чыганак: lenta.ru