Русиядә яман шешнең кайсыбер төрләрен тиз арада җиңәчәкбез диләр

Русия Сәламәтлек саклау министрлыгының Н.Ф. Гамалея исемендәге эпидемиология һәм микробиология милли тикшеренү үзәге (НИЦЭМ) фәнни җитәкчесе Александр Гинцбург тиздән җиңеп була алган яман шеш төрләрен атады.

“Меланома, үпкәләрнең вак күзәнәкле яман шеше, бәвел куыгының яман шеше, колоректаль яман шеш, монда, мөгаен, билгеле бер дәрәҗәдәге дөреслек белән без өч-алты ел дәвамында нәкъ менә шушы төр яман шешләрне җиңә алырга тиешбез дип әйтергә мөмкин”, – дип белдерде Гинцбург, кешелек дөньясы яман шешне җиңә алырмы дигән сорауга җавап биреп.

Ул билгеләп үтүенчә, яман шеш авыруларының кайбер төрләрен җиңәргә персональләштерелгән вакциналар һәм контроль нокталар ингибиторларын күздә тоткан яңа иммун терапиясе мөмкинлек бирүе ихтимал.

Чыганак: lenta.ru