Җенси юл белән йога торган авыруларны профилактикалау мөһим

13-19 июльдә Русия Сәламәтлек саклау министрлыгы җенси юл белән йога торган чирләрне профилактикалау атналыгы уздыруны игълан итте.

Атналыкның төп тезислары:

- Аногениталь (венерик) сөялләр кеше папилломасы вирусы йоктыруның клиник чагылышы булып тора, бу сөялләр чыгуны үз чиратында аналык муенында яман шеш үсеше белән бәйлиләр.

- Аналык муентыгы яман шеше соңгы ике дистә ел эчендә яшь хатын-кызлар авыруына әйләнде, бу репродуктив потенциалга тискәре йогынты ясый. Яшүсмер чакта кеше папилломасы вирусының онкоген штаммнарына каршы вакцинация аналык муентыгы яман шеше үсеше хәвефен киметә.

- Презервативлар – физик якынлык вакытында җенси юл белән йога торган авырулардан саклануның бердәнбер ысулы. Бу Русиядә ВИЧның шактый югары таралуы шартларында аеруча мөһим (халыкның 0,82% проценты).

- Җенси юл белән йога торган авыруларны (ИППП) дәвалаганнан соң контроль тикшерү мәҗбүри булып тора.

- Дәвалау вакытында җенси мөнәсәбәтләрдән тыелып торырга кирәк.

Атналыкның максаты:

-Җенси юл белән йога торган авыруларны профилактикалау, вакытында диагностикалау һәм дәвалауның мөһимлеге турында гражданнарның мәгълүматлылыгын арттыру.