Бу даруларны кофе белән эчмәскә киңәш итәләр

Фармацевт София Ортега даруларның дүрт төркемен кофе белән яраштырмаска киңәш итә, чөнки мондый комбинация сәламәтлек белән җитди проблемаларга китерергә мөмкин.

Ортега сүзләренчә, каһвәне калкансыман бизне дәвалау өчен препаратлар белән яраштырырга кирәкми, чөнки эчемлек аларның нәтиҗәлелеген киметә. Шулай ук психик тайпылышларны дәвалау өчен препаратларны кофе белән бергә кушу да хәвефле, дип кисәтте белгеч. "Бу препаратларны каһвә белән кабул итү, эчемлектә дуплаучы матдәләр булу сәбәпле, аларны сеңдерүне акрынайтачак. Бу даруларның көтелгән нәтиҗәлелеген үзгәртергә һәм организмның реакциясенә йогынты ясарга мөмкин", – дип аңлата ул.

Моннан тыш, эчемлек гипертонияне дәвалау өчен медикаментларның дөрес эшләвенә комачаулый, чөнки кофеин стимуллаштыручы тәэсиргә ия һәм, киресенчә, аны арттыра, ди фармацевт. “Балага узуга каршы даруларны каһвә белән бутау кофеинның акрынрак метаболизацияләнүенә китерәчәк", – дип билгеләде ул. Моның белән бәйле рәвештә,  эчемлекнең борчылу, баш авырту һәм йокысызлык кебек начар нәтиҗәләре хәвефе арта. 

Чыганак: lenta.ru