Алдагы 5 елда үлем белән янаган төп авыруларны атадылар

Якындагы биш елда русиялеләргә югары үлем белән янаячак берничә авыру бар. Аларны Русия фәннәр академиясе академигы, эпидемиолог, Русия мәгариф академиясе президенты урынбасары Геннадий Онищенко санап чыкты.

“Кардиология, онкология, эндокринология – үлемгә китерүче өч лидер. Инфекцияләрдән  алдагы биш елда  иң беренче урында грипп тора, арытаба да бу шулай булачак. Гриппның штаммнары үзгәрә – бу А һәм Б гриппы, әмма грипп тәүге урында булачак”, – диде эпидемиолог.

Онищенко грипп йөрәк-кан тамырлары авыруларын көчәйтергә мөмкин дип кисәтте.

Чыганак: lenta.ru