Русиялеләргә иртә картайта торган бер гадәтне атаганнар

Табиб-косметолог, медицина фәннәре кандидаты Екатерина Шадрина русиялеләргә иртә картаюга китерә торган популяр гадәтне атады.

Мендәргә капланып йоклау биттә җыерчыклар барлыкка китерергә мөмкин. Болай йоклаган хәлдә бит тиресе озак вакыт механик кысылу халәтендә була һәм бу аның деформациясенә китерә.

“Йөз тиресендә сынуга охшаш эзләр барлыкка килә, тәүдә алар уяну белән юкка чыга, әмма вакыт үтү белән статик җыерчыкларга әверелә, чөнки яшь барган саен коллаген эшләп чыгару төшә һәм тиренең тискәре йогынтыларга чыдамлыгы кими”, – дип аңлатты медик.

Моннан тыш, эксперт фикеренчә, мендәргә капланып йоклау йөзнең асимметриясен көчәйтергә мөмкин.  

Чыганак: lenta.ru