Яман шешне “химия”сез дәваларга телиләр

Русия галимнәре онкологик авыруларны химиотерапия кулланмыйча дәвалау методы өстендә эшли башлады. Бу хакта Русия Фәннәр академиясе президенты Геннадий Красников белдергән.

Ул ассызыклавынча, хәзер яман шеш авыруларын дәвалау өлкәсендә зур прогресс сизелә. Башкалар арасында шешләрне химиотерапиясез нәтиҗәлерәк хәл итәргә мөмкинлек бирә торган алымнар ачыкланды, дип билгеләде Красников. Русия Фәннәр Академиясе җитәкчесе сүзләренчә, мондый алга киткән дарулар һәм эшләнмәләр хәзер бик күп.

“Бу Бехтерев авыруын дәвалау өчен аутоиммун чирләрне дәвалау өчен препаратлар булдырырга мөмкинлек бирә торган уникаль алым нигезендә булдырылган Русия препараты да”, — дип аңлаткан академия башлыгы.

Медицина өлкәсендә ирешелгән прогресс гомер озынлыгын арттырырга, шулай ук кешеләргә яшьрәк чорда актив тормыш рәвеше алып барырга мөмкинлек бирә, дип өстәде Красников.

И-их, яман шеш чиреннән дәва тапсалар, күпме кеше үлемнән калыр иде!..

P.S. Ел саен дөньяда яман шештән якынча 9,7–10 миллион кеше үлә. Онкология авырулары бөтен дөньяда үлем сәбәпләре арасында икенче урында тора.

Чыганак: lenta.ru