Алкоголь эчү һәм деменция арасында бәйләнеш ачыкланган

Алкоголь баш миенең биологик картаюын тизләтергә мөмкин, дип белдерде табиб-психиатр Аня Топивала. Спиртлы эчемлекләр куллану һәм деменция барлыкка килү арасындагы бәйләнешне ул HuffPost басмасына биргән әңгәмәдә ачты.

Белгеч ассызыклавынча, кеше алкогольне никадәр озаграк кулланса, баш миенең югары психик процессларның бозылу хәвефе шулкадәр югарырак була. Топивала сүзләренә караганда, этил спиртының озак вакытлы йогынтысы баш мие күзәнәкләренең җимерелүенә китерә, ә яшь барган саен Альцгеймер авыруы яки кан тамырлары деменциясе үсешенә китерә.

Бу хәвефне  киметү өчен ул атнасына  14 порциядән дә артык алкоголь эчмәскә киңәш иткән. Шул ук вакытта, аның сүзләренчә, бу норманы атнага берничә көн бөтенләй алкогольсез уздырырлык итеп өч яки дүрт көнгә бүлү мөһим.

Чыганак: lenta.ru