Республикада алкогольдән баш тарту атналыгы старт алды

Башкортстан  гадәттәгечә РФ Сәламәтлек саклау министрлыгының тематик атналарын уздыруга кушыла. 18 августтан 24 августка кадәрге атна алкогольдән баш тарту темасына багышланган.

Атналыкның төп тезислары:

Бүгенге көндә алкоголь куллану хезмәткә сәләтле халыкның үлү очракларының төп факторларыннан берсе булып тора. Экспертлар бәяләвенчә, алкоголь куллану белән бавыр циррозыннан 69%, кардиомиопатия һәм миокардиттан 61%, панкреатиттан 47% үлем очраклары бәйле.

- Күрелгән чаралар нәтиҗәсендә безнең илдә алкоголь куллану кими. Алкогольгә бәйлелек синдромы булган пациентлар саны, алкоголь психозларын да кертеп, шактый азайган.

- Алкогольнең хәвефсез дозалары юк. Алкоголь куллану  һәрвакыт куркыныч белән яный. Кешегә теге яки бу төр алкоголь продукциясен кулланырга киңәш итәргә ярамый: хәвефсез градус – ноль.

РФ Сәламәтлек саклау министрлыгы тарафыннан оештырылган бу атналыкның максаты –  алкоголь куллануның онкология авырулары белән бәйләнеше турында халыкның хәбәрдарлыгын арттыру;

 -Хәвефле алкоголь кулланучы пациентларга ярдәм күрсәтүнең заманча алымнары турында халыкның хәбәрдарлыгын арттыру;

 -Гражданнарның сәламәт яшәү рәвеше мәсьәләләре буенча мөрәҗәгать итүчәнлеген арттыру.