Гаджетларны артык күп куллану деменциягә китерә, ди

Цифрлы деменция, яисә  цифрлы акыл зәгыйфьлеге (цифровое слабоумие) — бу медицина диагнозы түгел, бу тасвирлаучы термин. Бу хакта дәүләт мәгариф университетының хезмәт психологиясе һәм психологик консультация кафедрасы доценты Екатерина Булгакова сөйләгән. Булгакова сүзләренчә,  цифрлы деменция очрагында гаджетлар аша мәгълүматны пассив куллану, төрле мәсьәләләрне автоматлаштыру һәм күпмаксатлылык баш мие эшенең табигый механизмнарын йомшарта.

Булгакова  цифрлы деменция очрагында кыска вакытлы хәтер начарлана (мәсәлән, номерларны истә калдыруда кыенлыклар барлыкка килү), концентрация кими (мисал өчен,  төрле вкладкалар һәм уведомлениеләргә баскаламыйча  гына  фокусны озак тота алмау) ди. Шулай ук белгеч цифрлы деменция симптомнарына  тәнкыйди фикерләү кимүен – интернеттагы әзер карарлардан бәйлелекне – керткән.  

“Санлы деменция”нең социаль нәтиҗәләре – тере аралашу сыйфатының начарлануы, гаиләдә экранга “төбәлү” аркасында конфликтлар саны артуы”, – ди Екатерина Булгакова.

"Эмоциональ дәрәҗәдәге цифрлы деменция вакытында кеше гаджетларга керү мөмкинлеге булмаганда югары борчылу яки ярсучанлык сизә. Шулай ук мәгълүматның артык күп булуы аркасында эмоциональ “катып калу” күзәтелә. Практик дәрәҗәдә ориентация күнекмәләре югала – без инде кирәкле урамны яки руль артындагы трассаны таба алмыйбыз. Телдән исәпләү, текстны кәгазьдә анализлау белән кыенлыклар барлыкка килә",  –  дип аңлата  психолог.

Эксперт хроник цифрлы артык йөкләнеш когнитив функцияләрнең яшь буенча кимүен тизләтергә мөмкин, дип өстәде. Балалар һәм яшүсмерләрдә сөйләм үсеше, эмоциональ интеллект тоткарлана, уку белән проблемалар барлыкка килә, дип сөйләгән Екатерина Булгакова цифрлы деменция вакытында.

Чыганак: lenta.ru