Кәүсәле күзәнәкләр инъекциясе параличлы ир-атны аякка бастырган

Токиода Кэйо университеты галимнәре медицинада революцион алга китеш турында белдерәләр.  Тулысынча параличланган кешегә кәүсәле күзәнәкләр белән бер уколдан соң басып тору һәм йөрү сәләте кайткан.  

Тикшеренүдә 60 яшьтән өлкәнрәк 4 ир-ат катнашкан. Аларның барысы да операция алдыннан ким дигәндә 14-28 көн элек  җитди җәрәхәтләр алган. Арка миенә инъекцияләрне ир-атларга 2022 елның башында ясаганнар. Нинди дә булса кире җитди нәтиҗәләр ачыкланмаган. Һәм менә әле ларның берсе инде йөрергә өйрәнә. Икенче ир-ат аяк-кулларында шактый активлыкны торгызган. Болар 50 процент уңыш турында сөйләргә мөмкинлек бирә.

Профессор Хидэюки Окано җитәкчелегендәге галимнәр индуцированный iPS-күзәнәкләр  (русча “индуцированные плюрипотентные стволовые клетки” – Авт.)кулланганнар — бу “яңадан программалаштырыла” торган  һәм теләсә нинди типтагы тукымаларга әверелергә сәләтле күзәнәкләр. Бу очракта аларны нерв күзәнәкләренә әйләндергәннәр.

Чыганак: SHOT Telegram-каналы.