Бавырыбызны ныгытыйк

Бавырны ныгыту өчен иң яхшы продуктлар - зәйтүн мае һәм сөт, дип белдерде гематолог Людмила Васильева.

Табиб бавырын ныгытырга теләүчеләргә рационга, сөттән һәм зәйтүн маеннан тыш, майсыз балык, кара һәм яшел чәй, шулай ук суда һәм томалап пешерелгән яшелчәләр өстәргә киңәш итә. Соңгыларын турап ашарга кирәк.

Гематолог сүзләренчә, рацион артык баллы, майлы һәм “исерткеч” булырга тиеш түгел. Ул майлы кремда пешерелгән пирожныйлар белән артык мавыкмаска һәм алкогольдән баш тартырга киңәш итә.

Фото: news.myseldon.com