Төркиядә холера таралган

Төркиядә холера таралуы турында мәгълүмат барлыкка килде. Бу хакта эпидемиолог һәм Русия мәгариф академиясе президенты урынбасары, РФА академигы Геннадий Онищенко белдерде. Роспотребнадзор башлыгы Анна Попова Русиядә бары тик кертелгән холера очраклары гына теркәлә, дип белдерде. Алар барлыгы дүртәү иде, һәм барысы да Һиндстаннан. Аның сүзләренә караганда, барлык авыруларга табиблар ярдәм итә. Кайбер белгечләр гомумән кешеләр ротавирус яки башка авыру белән авырый, әмма холера белән түгел, дип раслый.

Холера организм өчен нәрсәсе белән куркыныч

Холера җитди йогышлы авыру булып тора. Башлыча җылы суда (Цельсий буенча 13 градустан да җылырак) үсә торган бактерия эчәклекне зарарлый, шуның аркасында су организмнан тиз чыгарыла. Нәтиҗәдә кискен сусызлану башлана, ул үлемгә дә китерергә мөмкин. Йогу симптомнары: косу, көчле диарея килеп чыгарга мөмкин. Бактерия радиацияле су, өйдә әзерләнә торган аз тозлы балык, креветка, кысла, краб, диңгез кәбестәсе һәм җылылык белән аз эшкәртелә торган башка продуктлар кулланганда йога ала.

Үзеңне холера йоктыруданничек сакларга?

Авыруны йоктырмас өчен, профилактика сыйфатында бары тик шешәләргә салынган суны гына кулланырга, шул су белән тешләрне чистартырга, кулларны һәм яшелчәләр белән җиләк-җимешләрне юарга киңәш ителә. Шулай ук шикле затлы ризыклардан баш тартырга һәм пляжда ризык сатып алмаска киңәш итәләр. Эссе көнне майонез белән салатлар сатып алырга кирәкми. Рөхсәт ителгән урыннарда гына йөзәргә кирәк. Моннан тыш, су авызга эләкмәскә тиеш. Беренче симптомнар барлыкка килгәч, үз-үзеңне дәвалау белән шөгыльләнү тыела. Бу очракта ашыгыч рәвештә табибка мөрәҗәгать итү мөһим.

чыганак: URA.RU

фото: zztravels.com

Автор:Радиф Фаткуллин

Читайте нас

Новости партнеров