35нче гуманитар йөк юлга кузгалды

Чакмагыш районыннан махсус хәрби операциядәге якташ яугирләргә чираттагы гуманитар йөк озатылды. Муниципаль район хакимияте башлыгы Реканс Фәнил улы Ямалеев киңәшчесе Айдар Фәнил улы Насыров белән якташларыбызга әлеге әйберләрне шәхсән үзе озата китте.

Бердәмлек, ярдәмчеллек, мәрхәмәтлелек авырлыклар килгәндә сынала. Шушы көннәрдә чакмагышлылар яуггир-якташларыбызга чираттагы гуманитар ярдәмне озатты.

Илебез мәнфәгатьләре хәл ителгән әлеге операциягә битараф булмаган төрле яшьләрдәге райондашларыбыз, районыбыз оешма-учреждениеләре вәкилләре, шәхси эшкуарлар, авыл хуҗалыгы предприятиеләре ярдәм күрсәтү теләген белдереп, бу изге эштә актив катнаша. Алар өчен кыска гына вакыт эчендә төрле транспорт чаралары (Ике НИВА, бер УАЗ автомобиле, мотоцикллар) генераторлар, аккумуляторлар, дроннарны ачыклагыч, автоном җылыткычлар, рацияләр, рабица сеткалары, такталар, маскировкалау челтәрләре, азык-төлек, шәхси гигиена чаралары, шулай ук башка кирәк-ярак әзерләп җибәрелде.

Аларның исән-имин урап кайтуын телибез!

Автор фотолары