Үлгән дип танылган сугышчы әсирләр алмашу вакытында исән-сау әйләнеп кайткан

Һәлак булган дип танылган Русия Кораллы Көчләре (ВС) солдаты әсирләр алмашу вакытында исән-сау әйләнеп кайткан. Бу хакта Русиядә Кеше хокуклары буенча вәкаләтле вәкил Татьяна Москалькова хәбәр итте, аның сүзләрен ТАСС китерә.

"Бүген гаҗәеп момент, хәрби әсирләрне алмашу буенча безнең күп егетләребез – 200 кеше өйләренә кайта. Шул исәптән исән калган бик яхшы кеше дә кайта”, – дип сөйләде ул.

Хәбәр ителүенчә, Алексей исемле сугышчы рәсми рәвештә һәлак булган дип саналган. Ләкин аның хатыны моңа ышанмаган, һәм юкка гына түгел: бу вакыт эчендә ире ВСУда әсирлектә булган. Кеше хокуклары буенча вәкаләтле вәкил Татьяна Москалькова һәм Кызыл Хач аша хатын ирен тапкан.

"Елама! Тиздән кайтам! Мине күммәгез, иртәрәк әле", – ди сугышчы, камералар алдында туганнары  белән телефоннан сөйләшкәндә.

Әңгәмәне тәмамлагач, хәрби борынын тартып куйды.

"Томау төштеме?" – дип сорыйлар аңардан.

"Томау гына  түгел..." – дип җавап бирә сугышчы.

Чыганак: lenta.ru/rg.ru