СВО зонасына 4 машина җибәрәчәкләр

Баймак районыннан махсус хәрби операция зонасына дүрт машина җибәрәчәкләр. Бу хакта районга эш визиты белән  килгән Андрей Назаровка район хакимияте башлыгы Азамат Идрисов сөйләде.  

“Безнең районнан 33нче гуманитар йөк 18 августта алгы сызыкка озатылачак. Аның составында – дүрт машина, район халкы сугышчылар өчен җыйган  бик кирәкле әйберләр”, – дип белдерде Идрисов.  

Исегезгә төшерәбез, республика премьер-министры Андрей Назаров эш визиты белән Баймак районының Ишбирде авылында булды.

Андрей Назаров биредә игелекле, ачык, күршеләренә һәрчак ярдәм итәргә әзер кешеләр яши.

“Авыл халкы һәм авыл биләмәсе башлыгы Динар Иделбаев башлангычы белән Ишбирде авылында хәстәрлек почмагы – махсус хәрби операция катнашучыларына ярдәм  күрсәтүнең “Өмет” волонтерлык штабы – барлыкка килде. Элекке спорт комплексы бинасында җентекле ремонт үткәрелеп, бина җылы очрашулар үтү урынына әверелде, биредә мөһим миссияне башкаручы авылдашлар җыела. Көн саен монда төрле яшьтәге кешеләр килеп, иңгә-иң терәшеп, Ватанны яклаганда кирәк булган әйберләр булдыра – әйберләр бәйли, маскировка челтәрләре үрә һәм башка эшләр башкара. Һәр нәрсә җылылык һәм хәстәрлек тойгылары белән үрелгән. Алгы сызыкка озатылган һәр әйбер әйтерсең лә солдатларыбызга өмет бүләк итә һәм көч бирә. Ир-егетләребезнең исән-сау өйләренә кайтырына өметләнгән авылдашлар гуманитар йөк җыелганда бербөтен була да куя: һәркем йөкне җыюга үз өлешен кертергә әзер”, – дип белдерде Андрей Назаров.  

Чыганак: bashinform.ru