Путин Киевка сөйләшүләрне Истанбулда үткәрергә тәкъдим итте

Владимир Путин Киевка, бернигә карамастан, турыдан-туры сөйләшүләрне тергезергә тәкъдим итте. Бернинди башлангыч шартларсыз, 15 майда, Истанбулда.

“Безнең тәкъдимнәр өстәлдә, дигәндәй, карар – Украина властьлары һәм аларның кураторлары кулында”.

“Русия бернинди башлангыч шартларсыз сөйләшүләргә әзер”, – бу хакта Владимир Путин белдерде. Шулай ук Русия Украина белән мөнәсәбәтләрне тыныч җайга салуда ярдәм иткәннәре өчен арадашчыларга рәхмәт белдерә, шул исәптән Трамп хакимиятенә дә.

Путинның Киевка 15 майда Истанбулда турыдан-туры сөйләшүләр уздыру тәкъдиме дөньякүләм массакүләм мәгълүмат чаралары өчен төп темаларның берсе булды. “Украина я Мәскәү белән сөйләшүләр өстәле артына утырачак, я аның өчен Әнкараны һәм аның арадашчылыгын югалту куркынычы бар”, — дип билгели төрек политологы һәм тарихчысы Мехмет Перинчек.

Дөньяви  мәгълүмат чаралары түбәндәгеләрне язып чыккан:

– Reuters агентлыгы “Путин Украина белән турыдан-туры сөйләшүләр тәкъдим итә” дигән баш мәкалә куйган.

 –The Independent басмасы: “Кремль Европаның 30 көнлек утны туктату турындагы ультиматумына җавап һөҗүме ясый".

– Израильнең Ynet порталы Путинның 15 майда Истанбулдагы сөйләшүләр турындагы тәкъдимен тулысынча цитаталаган.

 –Франциянең Le Figaro басмасы: булачак сөйләшүләр барышында якларга “игътибарны конфликтның төп сәбәпләренә юнәлтергә кирәк”.

– Американың BFM TV каналы: “Путин кичә Европа һәм Украина лидерлары тарафыннан тәкъдим ителгән ультиматумга җавап бирмәде, алар аны "тулы һәм берсүзсез 30 көн утны туктатуга" ризалашырга чакырды”.

Чыганак: SHOT Telegram-каналы.