Үлемнән коткарган медикны офицер аты-юлы белән сүккән

СВО зонасында хезмәт итүче “Мур” позывнойлы хәрби медик яраланган командирын эвакуацияләү турында сөйләгән. Юлны җиңелрәк кичерсен өчен медик командирына “аны аты-юлы белән сүгәргә” тәкъдим иткән.

Офицер алгы сызыкка якын урнашкан уку полигонында яраланган, дип аңлаткан медик. Мур сөйләвенчә, аңа җәрәхәт алган командирын эвакуацияләү СВОда яраланган башка сугышчыларны эвакуацияләүгә караганда авыррак бирелгән. “Ниндидер таныш түгел хәрбине эвакуацияләү – ул бер эш, ә монда ай буена бер тәлинкәдән ашаган командирың дигәндәй”, – дип аңлаткан “Мур”.

“Яшел зона”га кадәр ара җиңел  булмаячагын алдан чамалап, “Мур” командирына: “Син мине аты-юлы белән сүгә аласың”, – дигән. Командирының ярасы катлаулы булу сәбәпле аларның нибары ярты сәгать чамасы вакыты булган.

“Мин аны кырын салдым, әмма ул коточкыч авыртынды. Юл да сугыштагыча бит инде – кая карама миналар, җитмәсә сөрелеп беткән. Юл буена мине аты-юлы белән сүкте инде ул”,  – ди хәрби медик “Мур”.  

Нәтиҗәдә яраланган офицер исән калган. “Курку хисе бар иде инде”, – дип исенә төшерә медик.

Чыганак: lenta.ru