Башкортстан башлыгы Салават районыннан СВО яугирләре гаиләләренә генерал Шәйморатов орденнары тапшырды

— Егетләр үз гомерләрен Ватан өчен бирделәр. Аларның һәркайсы үз бурычын тулысынча үтәде. Алар чын геройлар, һәм безнең уртак бурычыбыз — алар турында истәлекләрне саклау, — диде Радий Хәбиров. — Сез чын ир-атларны, патриотларны, Ватанны саклаучыларны тәрбияләдегез. Моның өчен зур рәхмәт сезгә. Район хакимияте аларның истәлеген мәңгеләштерергә, ата-аналарын, балаларын кайгыртырга тиеш. Махсус хәрби операция тәмамлангач, без Уфада һәлак булган сугышчыларга хәтер билгесе буларак мемориал урнаштырачакбыз.

Фото: Портал Главы РБ.