6 яшьлек бала су белән бензинны бутаган

Бурятиядә 6 яшьлек малай су белән бензинны бутагач,  йортта янгын чыккан. Янгын нәтиҗәсендә малайның 4 айлык сеңлесе һәлак булган. 

“Балаларның әти-әниләре күршеләренә мунча керергә  дип чыгып киткән, өч бала өйдә  үзләре генә калган.  Бермәл балаларга йорт эсселәнгән кебек тоелган, шуңа 6 яшьлек малай суыткыч өстеннән 5 литрлы шешәне алган да мич эченә  сипкән”, – дип хәбәр итә РЕН ТВ.

Бала шешәдә су дип уйлаган, ә чынында ул мич эченә бензин сипкән.  Шул арада коточкыч янгын чыга. 6 һәм 7 яшьлек малайлар, 4 айлык сеңелләрен калдырып,  өйдән чыгып өйөгерәләр.

Сабый һәлак булган, аның гәүдәсен соңрак янгын сүндерүчеләр таба. Саксызлык буенча кеше үлеменә китерү маддәсе буенча җинаять эше кузгатылган.

Чыганак: ren.tv