Башкортстан эшкуарларына "ИННОПРОМ" күргәзмәсендә катнашырга тәкъдим иттеләр

“Халыкара кооперация һәм экспорт” милли проекты бурычларын гамәлгә ашыру кысаларында БР  тышкы икътисади элемтәләр һәм конгресс эшчәнлеге министрлыгы тарафыннан «Иннопром. Үзәк Азия-2026" VI Халыкара сәнәгать күргәзмәсендә катнашу өчен компанияләрдән гаризалар кабул итү ачылды.

Форум 2026 елның 20-22 апрелендә Ташкентта узачак. Башкортстан “Халыкара кооперация һәм экспорт” милли проекты бурычларын гамәлгә ашыру кысаларында Үзбәкстанда экспорт потенциалын ныгыту һәм яңа партнерлар эзләү өчен оештырылган коллектив стенд һәм күп тармаклы бизнес-миссия белән тәкъдим ителәчәк.

Узган ел күргәзмәдә төрле тармаклардан ассоциацияләр, хакимиятләр һәм компанияләр арасында егермегә якын килешү һәм меморандум имзаланды. Шунысын да билгеләп үтәргә кирәк, әлеге килешүләр кысаларында билгеләнгән төп максатлар һәм бурычлар уңышлы гамәлгә ашырылды инде.

–Әлеге вакытта без Ташкент өлкәсенең Бекабад районында башкорт-үзбәк технопаркын төзү проектын актив гамәлгә ашырабыз. Проектның мастер-планы апрельгә төгәлләнәчәк, бу төзелеш-монтаж эшләре башлануга юл ачачак. Шул ук вакытта Башкортстанда җитештерү склады төзү буенча “Октош Текстиль” компаниясе белән инвестиция проекты уңышлы тормышка ашырыла. Әлеге проектка кертелгән инвестицияләрнең гомуми күләме 200 млн сумга җитә, – дип билгеләп үтте тышкы икътисади элемтәләр һәм конгресс эшчәнлеге министры Маргарита Болычева.
Чыганак: foreign.bashkortostan.ru