Урманчылар беспилотниклар белән идарә итүне үзләштерә

Уфа урман-техник техникумы нигезендә “Урман янгыннарын профилактикалауда һәм сүндерүдә пилотсыз очу аппаратларын куллану” программасы буенча белгечләрне укыту оештырылган. Әлеге курс БР Башлыгы грантлары конкурсында җиңеп чыккан “Урман сагында урман дозоры – яңа мөмкинлекләр” проекты кысаларында тормышка ашырыла.

Шунысын да билгеләп үтәргә кирәк, урманнарда янгын хәвефсезлеген тәэмин итү “Урманнарны саклау” федераль проектының “Экологик иминлек” милли проектының төп бурычларының берсе булып тора.

29 белгеч квалификация арттыру уза: республика урманчылыклары һәм урман хуҗалыклары хезмәткәрләре, шулай ук Русия Оборона министрлыгының “Оборонлес” Башкортстан һәм Чиләбе филиаллары вәкилләре квалификацияләрен арттыра. Әзерлек программасына һава мониторингы ысулларын һәм урман фондындагы Гадәттән тыш хәлләр вакытында эш итү алгоритмнарын үзләштерү керә. Уку процессы теоретик әзерлекне Уфа урман-техник техникумының җиһазландырылган аудиториясендә заманча авиасимуляторларда һәм виртуаль платформаларда күнекмәләрне практик эшкәртү белән берләштерә.