Дәваханәгә яңа җайланма кайтарганнар

Стәрлебаш үзәк район хастаханәсенә яңа хирургия яктырткычлары кайткан. Бу “Озын һәм актив тормыш” милли проектын тормышка ашыру нәтиҗәсендә мөмкин булды.

Хирургия яктырткычлары хирургия операцияләре һәм диагностика тикшеренүләре вакытында операция кырын яктырту өчен хезмәт итә, бирелгән төсле температураны саклап, эш кырының зурлыгын һәм яктылыкны көйләүне тәэмин итә, яктылыкның югары сыйфатына, инфракызыл һәм ультрафиолет өлкәләрдә нурланыш булмауга, яктырту блокларының җиңел хәрәкәтләнүенә, вертикаль күчәрләргә, кирәкле хәлдә ышанычлы фиксациягә ия.

— Яңа җайланма операцияләр үткәрүнең сыйфатын сизелерлек яхшыртачак һәм пациентлар һәм медицина персоналы өчен уңайлырак шартлар тудырачак, — дип билгеләп үтте Стәрлебаш үзәк район хастаханәсе баш табибы Александр Юдин.

2025 елда “БР сәламәтлек саклауның беренчел звеносын модернизацияләү” төбәк программасын тормышка ашыру кысаларында алты поликлиниканы файдалануга тапшыру планлаштырыла. 134 берәмлек модуль конструкция сатып алу һәм урнаштыру, 9 объектка капиталь ремонт ясау, 4,5 мең берәмлектән артык җиһаз сатып алу, 99 берәмлек автотранспорт сатып алу планлаштырылган. 

Чыганак: health.bashkortostan.ru