13 миллионга якын русияле үз шәһәрләренең киләчәген сайлаган

Быел 12,7 миллионнан артык русияле ел саен “Яшәү өчен инфраструктура” милли проекты буенча үткәрелә торган төзекләндерү объектларын сайлау өчен Бөтенрусия тавыш бирү барышында шәһәр мохитен үзгәртергә теләген белдерде инде. 12 июньгә кадәр zagorodsreda.gosuslugi.ru платформасында 14 яшьтән өлкәнрәк русиялеләр иҗтимагый киңлекләрне яңарту өчен тавыш бирергә мөмкин. Агымдагы елда 1,6 мең муниципаль берәмлектә 6 меңнән артык объект тавыш бирүгә чыгарылган.

Тавыш бирү барышында халык үз шәһәрендә яки торак пунктында төзекләндерелгән объектларны сайлый. Иң күп тавыш җыйган территорияләр беренче чиратта милли проект программасы буенча төзекләндерелә. Кешеләр моның  парк, үзәк мәйдан, яр буе яки ишегалды киңлеге икәнлеген билгелиләр. Узган ел 1,5 мең муниципаль берәмлектә яшәүчеләр 5 600 проект сайлап алган. Күп кенә проектлар тормышка ашырылды инде.

"2025 елда Русия халкы  “Уңайлы шәһәр мохитен формалаштыру" федераль проекты кысаларында төзекләндереләчәк иҗтимагый киңлекләрне сайлый, ул хәзер "Тормыш өчен инфраструктура" милли проекты составына керә. Бүгенге көнгә 12,7 млн кеше үз тавышларын бирде инде. Тавыш бирүгә гражданнар иң күп җәлеп ителгән төбәкләр арасында – Чечен Республикасы, Тыва Республикасы, Свердловск өлкәсе, Ставрополь крае һәм Башкортстан", – дип билгеләп үтте РФ төзелеш һәм торак-коммуналь хуҗалыгы министры Ирек Фәйзуллин.

Төзекләндерү волонтерлары халыкны территорияләрен үзгәртеп кору өчен тавыш бирергә чакыра. Алар ел саен тавыш бирүгә чыгарылган территорияләрне сайлауда булышалар: аларны күрсәтәләр, төзекләндерү проектларын тормышка  ашыруда халыкның максатлары, бурычлары һәм фикерләренең әһәмиятен аңлаталар.

Быел ирекмәннәр тавыш бирүдә инде бишенче тапкыр катнаша. Бүгенге көнгә аларның сафларын бөтен ил буйлап 350 меңгә якын кеше тулыландырды. Мәктәп укучылары, яшьләр һәм көмеш волонтерлар Русия шәһәрләрен төзекләндерүгә зур өлеш керттеләр.

Добро.рф порталында теркәлгән 14 яшьтән өлкәнрәк теләсә кайсы русияле волонтер булырга һәм үз шәһәрендә яшәүчеләргә үзләренә ошаган төзекләндерү объекты өчен тавыш бирергә ярдәм итә ала. Быел тавыш бирүгә 170 меңнән артык волонтерлыкка гариза бирелгән, шуларның 160 меңе хупланган. Ирекмәннәр ярдәмендә 6,2 миллионнан артык тавыш җыюга ирешелгән.

Исегезгә төшерәбез, төзекләндерү объектлары өчен бөтенрусия онлайн-тавыш бирү быел zagorodsreda.gosuslugi.ru. сайтында 12 июньгә кадәр дәвам итәчәк.