Аскында яңа поликлиника төзелә

Аскын районына эш визиты белән БР Премьер-министрының беренче урынбасары Урал Килсенбаев һәм республиканың сәламәтлек саклау министрының беренче урынбасары Роберт Иштуков килде. Алар “Озайлы һәм актив тормыш” милли проектының “Сәламәтлек саклауның беренчел звеносын модернизацияләү” программасы кысаларында яңа поликлиника төзү эшләренең барышын карадылар.

Әлеге объектны быел файдалануга тапшырырга планлаштыралар. Яңа корпусны сафка тапшыру поликлиниканың күбрәк пациентларны кабул итү  сәләтен арттырырга мөмкинлек бирәчәк, аңа 17 меңнән артык кеше беркетелгән. Поликлиника тулысынча автономияле булачак. Монда аерым котельная, үз җылылык трассасы, локаль чистарту корылмалары һәм үз янгын сүндерү системасы булачак.

Исегезгә төшерәбез, 2025 елда “БРның беренчел сәламәтлек саклау звеносын модернизацияләү” төбәк программасын тормышка ашыру кысаларында республикада 4,5 мең берәмлектән артык җиһаз, 99 берәмлек автотранспорт сатып алу планлаштырыла. 134 берәмлек модуль конструкция сатып алу һәм урнаштыру, тугыз объектка капиталь ремонт ясау, алты поликлиниканы файдалануга тапшыру планлаштырылган. 

Чыганак: health.bashkortostan.ru