Замана медицинасы үсештә

Русия Президенты Владимир Путин тарафыннан булдырылган «Сәламәтлек саклау» милли проектының «Сәламәтлек саклауның бердәм дәүләт мәгълүмат системасы нигезендә бердәм цифрлы контур булдыру» төбәк программасын гамәлгә ашыру кысаларында Башкортстан Республикасының Октябрьский шәһәренең 1нче хастаханәсенә амбулатор звено персоналы кабинетларын җиһазлау өчен биш яңа автоматлаштырылган эш урыны (АРМ) кайтты.

Яңа компьютерлар белән табиб-терапевт, табиб-невролог, табиб-рентгенолог һәм утратавыш диагностикасы табибының эш урыннары җиһазландырылды. Заманча мәгълүмат технологияләрен кертү күп кенә процессларны автоматлаштырырга мөмкинлек бирә, бу исә, үз чиратында, пациентларның көтү вакытын кыскарта һәм медицина мәгълүматларына ирешү мөмкинлеген яхшырта. Электрон медицина язмаларына күчү пациентлар турындагы мәгълүматны куркынычсызрак һәм уңайлырак сакларга һәм эшкәртергә мөмкинлек бирә. Табиблар тиз арада авыру тарихын, анализлар нәтиҗәләрен һәм башка мәгълүматларны күрә ала.

Процессларны автоматлаштыру кәгазь документация күләмен киметә, бу вакытны һәм ресурсларны экономияли. Моннан тыш, пациентларга дистанцион консультация бирү һәм мониторинг ясау мөмкинлеге туа. Бк заманча медицинада аеруча актуаль, шул исәптән пандемия шартларында яки хәрәкәтчәнлеге чикләнгән кешеләр белән эшләгәндә. 

— Хастаханәләрне һәм поликлиникаларны компьютерлаштыру — медицина хезмәтләренең сыйфатын яхшырту гына түгел, ә ресурслар белән нәтиҗәлерәк идарә итүгә дә адым. Яңа җиһазларга һәм технологияләргә инвестицияләр пациентлар һәм хезмәткәрләр өчен уңайлырак шартлар тудырырга, шулай ук медицина учреждениеләре эшенең гомуми нәтиҗәлелеген күтәрергә ярдәм итәчәк, — дип билгеләде хастаханәнең баш табибы Сергей Иванов.

Юлай НИЗАЕВ әзерләде.

Фото: Башкортстан Республикасы Сәламәтлек саклау министрлыгы.