Дәүләкәннең балалар китапханәсендә виртуаль концерт залы ачылды

Уникаль мәйданчык югары сыйфатлы аудио һәм видеотрансляцияләр өчен өр-яңа җиһазлар белән тәэмин ителгән. Китапханәдә концерт, патриотик һәм театаль программалар күрсәтергә планлаштыралар.

"Виртуаль концерт залын ачу — безнең шәһәр өчен зур вакыйга. Хәзер Дәүләкән шәһәре халкы төбәктән читкә чыкмыйча гына атаклы артистларның чыгышларына йөрергә мөмкинлек алачак. Бу күбрәк кешене классик һәм заманча музыкага җәлеп итәргә мөмкинлек бирәчәк", — дип билгеләп үтте Дәүләкән районы хакимияте башлыгы вазифаларын башкаручы Виктор Маслов.

Залның ачылу көнендә Мәскәү филармониясенең маэстро - дирижёры Юрий Ситонов җитәкчелегендәге академия симфоник оркестры концерты трансляциясе булды. Ярты гасырдан артык тарихында Мәскәү филармониясенең Академик симфоник оркестры эре залларда һәм абруйлы фестивальләрдә 6 меңнән артык концерт биргән.

Юлай НИЗАЕВ.

Фото: Башкортстан Республикасы Мәдәният министрлыгы.