Бу юлдан туристлар күп йөри

2024 елда Башкортстанда Стәрлетамак-Белорет-Магнитогорск юлының 2 километрдан артык өлеше ремонтланачак.

Ремонт ил җитәкчесе Владимир Путин тарафыннан билгеләнгән “Хәвефсез свыйфатлы юллар” милли проекты кысаларында башкарылачак. Эшләр Әбҗәлил һәм Ишембай районнарында ике участокта алып барылачак. Ремонт эшләренә 40,5 миллион сум акча юнәлтеләчәк.

– Стәрлетамак-Белорет-Магнитогорск юлы – туристик юнәлешле. Быел Әбҗәлил районының Яңа Абзак авылы янындагы һәм Ишембай районының Карайган авылына борылыш янындагы участокларны ремонтлау планлаштырыла, – дип сөйләде республиканың транспорт һәм юл хуҗалыгы министры Александр Клебанов.