Бергә эшләү җиңелрәк

Бүздәк районында Эшкуарлар берлеге төзелде.

 Бу хакта ил җитәкчесе Владимир Путин тарафыннан билгеләнгән “Кече һәм урта эшкуарлык” милли проекты кысаларында Бүздәктә үткән “Үсеш ноктасы” стратегик сессиядә билгеле булды.

– Эшкуарлык берлегенең эшчәнлеге районда эшлекле климатны яхшыртуга һәм бизнесны үстерүгә ярдәм итәр дип ышанам. Бүген мондый берләшмәләр республиканың 57 муниципалитетында эшли, – диде эшкуарлык һәм туризм министры Рөстәм Афзалов.

Әлеге көндә Бүздәк районында кече һәм урта эшкуарлыкның 578 субъекты һәм 1032 үзмәшгуль теркәлгән. Аларның күбесе сәүдә тармагында, авыл һәм урман хуҗалыгы, йөк ташу һәм саклау юнәлешләрендә эшли.