17 апрельдә бөтен дөньяда башкорт теленнән диктант язачаклар

2026 елның 17 апрелендә Башкортстанда һәм аннан читтә ел саен үткәрелә торган “Башкорт теле буенча халыкара диктант” агарту акциясе узачак. Чара тел ияләрен, укучыларны, укытучыларны һәм башкорт мәдәнияте белән кызыксынучыларны диктантны гадәти форматта язу мәйданчыкларында да, онлайн-форматта да берләштерәчәк.

Акция БР Мәгариф министрлыгы, Мәдәният министрлыгы һәм яшьләр сәясәте министрлыгы, Уфа фән һәм технологияләр университеты,  М.Акмулла исемендәге Башкортстан дәүләт педагогия университеты, Бөтендөнья башкортлары корылтае, шулай ук төбәк милли-мәдәни берләшмәләре тарафыннан үткәрелә.

2026 елда диктант текстлары өч мөһим темага багышланган: Русия халыклары бердәмлеге елына, Башкортстанда Зур һәм тату гаилә елына һәм башкорт шагыйре һәм мәгърифәтчесе Гали Чокрыйның тууына 200 ел тулуга.

Акция гадәти форматта да, онлайн да узачак. Гадәти форматта узачак мәйданчыклар мәктәпләрдә, югары уку йортларында, китапханәләрдә, мәдәният йортларында, шулай ук республиканың башка төбәкләрдәге һәм илләрдәге вәкиллекләрендә оештырылачак. Шәхсән катнаша алмаучылар өчен рәсми сайт аша онлайн-форматта катнашу каралган: bashdictant.ru