Башкортстанның мәгариф министрлыгында язгы каникул даталарын әйттеләр

Башкортстан Мәгариф министрлыгы башлыгы Илдар Мәүлетбирдин язгы каникул даталарын атады.

- Тиздән уку елының иң озын чиреген тәмамлаячак. 28 марттан укучылар язгы каникуллар көтә, ул 5 апрельгә кадәр дәвам итәчәк, — дип сөйләде министр.

Министр билгеләп үткәнчә, калган уку атнасында сыйныф җитәкчеләренә балалар белән язгы ташкын куркынычы  турында сөйләшергә киңәш ителә. – Ата-аналарга элеккечә үк балаларын каникул вакытында эш белән тәэмин итәргә, шулай ук башлангыч сыйныф укучыларын өйдә ялгыз калдырмаска киңәш итәм, – дип мөрәҗәгать итте ул.

Илдар Мәүлетбирдин шулай ук 2025-2026 уку елының 2026 елның 26 маенда тәмамланачагын искә төшерде.