Уфаның вузара кампусында конференция узачак

Фән ае кысаларында Уфаның вузара кампусында 19-21 ноябрьдә “Инновацион технологияләрнең һәм материалларның фундаменталь аспектлары” бөтенрусия фәнни-гамәли конференциясе узачак. Анда нанотехнологияләр, материаллар технологиясе һәм химия технологиясе, ясалма интеллект технологияләре өлкәсендә белгечләрнең киң даирәсе катнашачак. Чараның максаты – алдынгы тәҗрибә уртаклашу һәм укытучыларны, аспирантларны һәм студентларны яңа фәнни казанышлар белән таныштыру.
Оештыручылар – Русиянең Табигый фәннәр академиясе, Русия Фәннәр академиясенең ясалма интеллект методологиясе буенча Фәнни советының Башкортстан бүлеге, Русиянең “Белем” җәмгыяте һәм “Нефтехимпереработка” фәнни-тикшеренү институты белән берлектә Уфа дәүләт нефть техник университеты һәм Евразия фәнни-тикшеренү үзәгенең югары уку йортлары арасындагы студентлар кампусы. Оештыру комитетына шулай ук илнең яңа технологияләр өлкәсендә фундаменталь һәм гамәли тикшеренүләр белән шөгыльләнүче әйдәп баручы галимнәре керә.
Конференция югары уку йортлары арасындагы кампус каршындагы Водород-углерод технологияләре үзәгенең углерод технологияләре һәм спектроскопия лабораториясендә узачак. 

Чыганак: campusufa.ru