Вузара кампус резидентына биоресурс үзәге функцияләре бирелде

РФ Мәгариф министрлыгы боерыгы белән М.Акмулла исемендәге БДПУ Уфаның вузара кампусы резидентына биоресурс үзәге функцияләре бирелде. Әлеге статус фәнни-тикшеренү базасын үстерү, фәнни үзәкләрнең биологик (биоресурс) коллекцияләрен саклауны һәм нәтиҗәле файдалануны тәэмин итү максатларында бирелә.

Башкортстан суүсемнәре һәм цианобактерияләре коллекциясе (BCAC) М.Акмулла исемендәге Башкорт дәүләт педагогика университеты галим-альгологларының күпьеллык эш нәтиҗәсе булып тора, ул узган гасырның 70нче елларында башланган һәм бүгенге көнгә кадәр дәвам итә. 2012 елда коллекция World Federation of Culture Collections (WFCC) BCAC (Bashkortostan Collection of Algae and Cyanobacteria – Башкортстанның суүсемнәр һәм цианобактерияләр коллекциясе) акронимы астында теркәлгән.

М.Акмулла исемендәге БДПУга Биоресурс үзәге функцияләре дип Башкортстанның суүсемнәр һәм цианобактерияләр коллекциясен үстерү буенча университет җитәкчелегенең һәм тикшеренүчеләренең күпьеллык тырышлыгын тану дип санарга була. Шунысын да билгеләп үтәргә кирәк, суүсемнәр штаммнары университетның белем бирү, фәнни-тикшеренү һәм инновация эшчәнлегендә киң кулланыла. М. Акмулла исемендәге БДПУның биоресурс үзәген төзү Башкортостан Республикасының биотехнология секторын үстерүгә ярдәм итәчәк, дип ышана галим, биология фәннәре докторы, Л.С. Хәйбуллина исемендәге фототроф микроорганизмнарның молекуляр систематикасы фәнни-тикшеренү лабораториясе җитәкчесе Лира Гайсина. 

Чыганак: pravitelstvorb.ru