Вузара кампусның стартап-студиясе сайт аша гаризалар кабул итә башлады

Вузара кампусның стартап-студиясе сайт аша гаризалар кабул итә башлады.

Платформаның төп үзенчәлекләре – уңайлы интерфейс, гарантияләнгән карау вакыты – 2-3 эш көне, уңышлы кейсларны өйрәнү һәм партнерлар табу мөмкинлеге.

Экосистемада катнашучылар

Проектларны эшләүдә Башкортстанның алдынгы югары уку йортлары студентлары һәм укытучылары гына түгел, технологик эшкуарлар, сәнәгать предприятиеләре вәкилләре, власть органнары экспертлары һәм үсеш институтлары белгечләре дә катнаша.

- Технологияләр мәгълүматка ирешүгә һәм тиз арада аралашуны тәэмин итүгә басым ясап, бик тиз үсә. Сайт аша гариза бирү – үз технологик проектыңны тәкъдим итүнең иң уңайлы һәм нәтиҗәле ысулы, – дип билгеләп үтә БР Фән һәм югары белем бирү буенча дәүләт комитеты рәисе Светлана Мостафина.

Эшнең беренче нәтиҗәләре

 Студия эшләгән чорда 18 стартапка ярдәм күрсәтелгән, 42 млн сум инвестицияләр җәлеп ителгән, портфельнең гомуми бәясе – 249 млн сум.

Уңышлы проектлар арасында:

 химик синтезның автоматлаштырылган җайланмалары,

- кран җиһазлары өчен хәвефсезлек системалары,

- Ясалма интеллект-контент генераторы,

- буяу эшләре өчен пилотсыз системалар,

- медицина суыткыч постаматлары.

УДНТУ стартап-студиясе генераль директоры Владимир Бекасов сүзләренчә, стратегик максат – төбәктә технологик эшмәкәрлекнең фән, бизнес һәм инновацияләрне берләштерүче үзәк хабларына әверелү.

Ничек кушылырга?

Заявканы перспективалы технологик идеяле теләсә кайсы студент, укытучы яки эшкуар бирә ала. Уңай бәяләнгән очракта проект юридик ярдәм, старт финанславы, команда төзүдә ярдәм һәм инвесторлар алдында презентациягә әзерлек ала.

Исегезгә төшерәбез, Президент Владимир Путин кушуы буенча Русиядә заманча кампуслар челтәре булдырыла. ”Яшьләр һәм балалар” милли проекты ярдәмендә шундый 24 студентлар шәһәрчеге проектлана һәм төзелә.

Уфаның вузара студентлар кампусында 18 фәнни лаборатория һәм үзәк эшли, шулай ук “Берлога” милли платформасының Бөтенрусия киберфизик инновацияләр үзәге урнашкан. Апрельдә проектның икенче чираты кысаларында биредә геном үзәген эшләтеп җибәрделәр. 

Чыганак: campusufa.ru