Сбердан цифрлы технологияләр мәктәбенә кабул итү башланган

Уфада “Школа 21”гә – Сбердан цифрлы технологияләр мәктәбенә кабул итү дәвам итә, анда 18 яшьтән өлкәнрәк теләгән һәркем бушлай кирәкле ИТ-һөнәр ала ала. Мәктәпкә керү алдагы белемнәргә, эш тәҗрибәсенә, программалаштыра белүгә һәм дипломнар булуга бәйле түгел. Сайлап алу “бассейны" 2 июньдә старт ала, заявканы сайтта бирергә мөмкин.

– Булачак ИТ-белгечләргә ихтыяҗ зур булган һөнәрләргә өйрәнү мөмкинлеге туды. 4 ай эчендә Башкортстанның хезмәт базарында “Мәгълүмати технологияләр” өлкәсендә 2,2 мең вакансия бастырылган. “HeadHunter” компаниясе мәгълүматлары буенча, программистлар өчен вакансияләр арасында 130 тирәсе С яки С+ телендә эшләү күнекмәләре булган белгечләргә туры килә, 62 – Frontend эшләнмәләре күнекмәләре булган белгечләргә, 55 – Backend эшләнмәләре күнекмәләре булган белгечләргә, 3 – IOS эшләнмәләре булган белгечләргә, 2 – android-эшләнмәләре булган белгечләргә, – дип аңлатып узды дәүләт идарәсенең цифрлы үсеш министры Геннадий Разумикин.

— “Школа 21”дә катнашучылар перспективалы цифрлы инженер һөнәрен үзләштерү мөмкинлегенә ия. Бу кирәкле белгечлектә практик күнекмәләр алу, үз карьера юлыңны табу яки эшчәнлек өлкәсен үзгәртү мөмкинлеге. 18 яшьтән башлап, эш тәҗрибәсенә һәм белеменә карамастан, теләге булган һәркем укырга керә ала. Яше буенча нинди дә булса чик юк, иң өлкән катнашучыга – 64 яшь. Кампуста компьютерлы 408 эш станциясе, мультимедиа системалары, коворкинг зоналары каралган. “Школа 21"дә катнашучылар теләсә кайсы вакытта шөгыльләнергә мөмкин - кампус 24/7 ачык,  – “Школа 21”нең Уфадагы директоры Екатерина Саранова.

Чыганак: pravitelstvorb.ru