Вузара кампус резидентлары MBA Science-2025тә укыйлар

Башкортстанда республика Башлыгы Радий Хәбиров башлангычы белән эшли башлаган фән өлкәсендә идарәчеләр өчен халыкара стандарт MBA Science программасының икенче этабы старт алды. Сайлап алуда вуз  резидентларның 150дән артык вәкиле, республиканың фәнни оешмалары һәм предприятиеләре катнашты, аларның 26сы тест биремнәрен уңышлы үтте һәм укуга кереште.

– Программаның беренче этабы турында ишеткәнем бар иде, шуңа күрә аның үзен дә үтәсе килә иде. Уфадан чыкмыйча гына фән өлкәсендә югары звено менеджерлары әзерләүдә катнашучы кызыклы спикерлар белән белем бирү проектына чуму мөмкинлеге булуы бик шәп. Минем өчен бу безнең эшчәнлеккә читтән карау, ниндидер процессларны үзгәртү, аларны җайга салу һәм оптимальләштерү мөмкинлеге, –дип билгеләде БРның Фәннәр академиясе президенты Камил Рамазанов.

MBA Science-2025тә укыган вакытта катнашучылар тикшеренү проектлары белән идарә итү инструментларын, фәнни эшчәнлек икътисады, Русиянең әйдәп баручы экспертларыннан заказчылар белән эшләү инструментларын үзләштерәчәк. Беренче модуль НТР стратегиясен, фән һәм инновацияләр өлкәсендә цифрлы платформаларның ролен, халыкара хезмәттәшлекне үз эченә алган. Программаның икенче өлеше практик менеджмент инструментларына багышланган.

Чыганак: pravitelstvorb.ru