Акмулла университетының беренче курс студентлары белемгә ачкыч алдылар

Югары уку йорты каршындагы мәйданда быелгы беренче курс студентлары, укытучылар, ата-аналар, университет җитәкчелеге һәм мәртәбәле кунаклар җыелды. Студентларны һәм укытучыларны Белем көне белән котларга дәрәҗәле кунаклар килде: РФ Дәүләт Думасы депутаты Эльвира Айткулова, сәламәтлек саклау, социаль сәясәт һәм ветераннар эшләре буенча БР Дәүләт Җыелышы – Корылтае комитеты рәисе Салават Харасов, Башкортстан Мәгариф һәм фән министры Илдар Мәүлетбирдин, Русия Федерациясе халык мәгарифе хезмәткәрләре профсоюзының Башкортстан республика оешмасы рәисе Елена Хаффазова.