Башкортстан Башлыгы Радий Хәбиров Стәрлетамактагы 1нче гимназиянең яңартылган корпусында булды

Биредә 750 укучы һәм балалар бакчасында тәрбияләнүче 120 бала белем алачак. Мәктәп үз ишекләрен 2 сентябрьдә ача.

Гомуми мәйданы 14 мең кв. метрдан артык булган корпус сигез блоктан тора – 4 катлы уку биналары һәм ике спорт бинасы, ашханә, актлар залы һәм мәктәпкәчә учреждение. Барлык кабинетлар да интернетка тоташтырылган. Спорт блокларыннан тыш барлык блокларны җылы күчү-галерея белән тоташтырганнар.

Төбәк җитәкчесе Радий Фәрит улы Стәрлетамак гимназиясе корпусын реконструкцияләү проектының бәясе 1 млрд сумнан артык булуын билгеләп үтте. Төбәк башлыгы сүзләренчә, бу сумманың 50 проценты федераль бюджеттан алынган.

— Нәрсәнедер үзгәртеп кору һәрвакыт нульдән төзүгә караганда катлаулырак. Өстәвенә, бу бина элек санаторий-профилакторийныкы булган, шуңа күрә ул башта ук уку процессына яраклаштырылмаган, - дип билгеләп үтте Радий Хәбиров. — Әмма без бу проектны тормышка ашыра, биредә заманча мәктәп булдыра алдык, ул бик яхшы һәм уңайлы килеп чыкты. Әти-әниләр һәм укытучылар белән аралашкач, аларның яңа корпустан канәгать булуларын белдем. Безнең уку йортлары нәкъ шундый булырга тиеш.

Фото: БР Башлыгы порталы