Сленгмы яки гомум мәдәниятме? Яңа видео тел бердәмлеге турында уйландыра

Жаргонизм һәм алынмаларның тоталь таралуы чорында экспертлар кешеләр арасында үзара аңлашуны югалту хәвефе турында ешрак сөйлиләр.

"Берләштерә торган тел: сленг безгә бердәм булырга ничек комачаулый”  дигән яңа  ролик тамашачыларга уйланырга тәкъдим итә: хәзерге заман сөйләү манерасы җәмгыятьнең бердәмлегенә киртә булып тормыймы?

Видео авторлары рус теле – аралашу өчен сүзләр җыелмасы гына түгел, ә милли мәдәниятнең, үзенчәлекнең нигезе һәм куәтле берләштерүче фактор дигәнне искә төшерә.  Әмма сленгны контрольсез куллану, акланмаган алынмалар һәм сөйләм штамплары, алар фикеренчә, үзара аңлашуга ирешергә комачаулый – көндәлек тормышта да, мәдәниятара диалог дәрәҗәсендә дә.

Роликта грамоталы, чиста һәм сәнгатьле сөйләмнең үзеңә һәм тирә-юньдәгеләргә хөрмәт коралы булуына аерым басым ясала. Нәкъ менә ул милләтара ныклы багланышлар булдырырга, белемнәрне тапшырырга, традицияләрне һәм сәнгатьне сакларга ярдәм итә. Кешеләр аңлаешлы, матур рус телендә сөйләшкәндә, алар үзара якыная һәм көчлерәк була.

“Әйдәгез, рус теле безгә аңлашылмаучанлык чыганагы түгел, ә барыбызны да берләштерүче көчле чара булып хезмәт итсен өчен эшлик", – дип өнди роликны булдыручылар. Видео рус теленең киләчәгенә һәм бу телдә сөйләшүчеләрнең бердәмлегенә битараф булмаган һәркемгә адресланган.

#ДеньРусскогоЯзыка, #ЕдинствоЯзыка, #БерегитеРусскийЯзык, #ЯзыкКоторыйОбъединяет, #ЧистыйРусскийЯзык

Чыганак: "Молодежная газета".