Хәрби журналистика – теләсә нинди коралдан көчлерәк булган йомшак көч

Соңгы 

Башкортстан матбугат һәм массакүләм мәгълүмат чаралары агентлыгы җитәкчесе Максим Ульчев хәрби хәбәрчеләр турында горурланып сөйли алуын билгеләп үтте.

- Махсус хәрби операция башлануга безне глобаль медиакиңлек  бәйли иде. Без барыбыз да, шул исәптә журналистлар да мондый шартларда хакыйкатьнең никадәр кирәкле һәм кыйммәтле булуын аңладык. Алар инициатива күрсәттеләр һәм  дөреслекне табу өчен алгы сызыкка чыктылар, – диде Максим Ульчев. – СВО зонасында Ватаныбыз алдындагы бурычларын бик күп якташларыбыз намус белән үтиләр. Безгә аларның нинди юнәлешләрдә хезмәт итүләрен, нәрсә турында уйлауларын, нәрсә күрүләрен белү мөһим. Һәм менә бу эш – профессиональ, иҗади, кыю – безнең журналистлар тарафыннан алып барыла. Аның ярдәмендә без һәрвакыт егетләребез һәм аларның батырлыклары турындагы яңалыклардан хәбәрдар.

“Звезда“ телеканалы алып баручысы Ирина Лосик военкорлар белән очрашуның мактаулы кунагы булды. Аның фикеренчә, хәрби журналистика да кергән армия мәдәнияте - нәкъ менә теләсә нинди коралдан көчлерәк булган йомшак көч.

– Бүген хәрби корреспондентларның, журналистларның роле гаять зур. Без алгы сызыкта торабыз. Безнең һәркайсыбыз үз фронтында эшли. Һәм бу безнең эшебез бик мөһим. Мәгълүмати сугыш көннән-көн агрессивлана бара. Без бергәләп чикләрен дә белмәгән, принциплары да, әхлагы да булмаган югары профессиональ дошманга каршы торабыз, – диде ул.

Махсус хәрби операция башланганнан бирле Башкортстанда хәрби хәрәкәтләр зонасына командировкага чыгучы журналистларның даими пулы формалашты. Аның составында 34 корреспондент, шул исәптән “Башкортстан Республикасы“ нәшрият йортыннан, “Башинформ“ мәгълүмат агентлыгыннан, БСТ телеканалыннан журналистлар бар. Моннан тыш, ирекле рәвештә СВОга телеканалның ике журналисты һәм нәшрият йортының дүрт хезмәткәре китте.

Башкортстанда мәгълүмати эшнең төп өстенлекләре – объективлык һәм дөреслек. Исегезгә төшерәбез, Башкортстан Башлыгы тарафыннан "Дөреслек. Җаваплылык. Батырлык” журналистика премиясе булдырылды.  Гомерләренә  хәвеф белән янаган һөнәри хезмәтләре өчен хәрби корреспондентлар медальләр һәм  Шәйморатов исемендәге орденнар белән бүләкләнәләр. Бүгенге көндә дүрт корреспондент махсус хәрби операция зонасында эшли.