Авылдашларына хөрмәт күрсәттеләр

Мәмәк мәдәният йортының мәдәни оештыручысы, автор-башкаручы, ифрат талантлы шәхес Рида Минһаҗева хәбәр итүенчә, бик матур әдәби-мәдәни кичә оештырылган. Анда авылның ихтирамлы шәхесләре бик теләп катнашканнар.

«Бәйрәмне оештыруда ярдем иткән Марат Батыр улына, Дамир Җәлалетдиновка, мәдәният хезмәткәрләренә, ярдәмчеләремә ихлас рәхмәт! Бер күрешү — үзе бер гомер! Шуңа күрә дә, авылдашлар өчен мондый очрашулар нык кирәк. Ә инде укытучылар һәм өлкәннәр — һәрвакыт хөрмәткә лаек шәхесләр», — ди Рида апа.

Чарада җыр-моң да мулдан булган, "Өмет"нең "ВКонтакте" социаль челтәрдәге рәсми төркеменә видеоязмаларны да урнаштырдык.

Афәрин, мәмәклеләр! Бердәм, тырыш халык!

Юлай НИЗАЕВ әзерләде.