Уфада электровелосипедта барган ике яшүсмер кызны бәрдергәннәр

Авария кичә кич Октябрь революциясе урамында була.

"Тойота Камри" сулга борылганда каршы як транспорт белән бәрелешә. Зыян күрүче бар.  Электровелосипедның 16 яшьлек пассажирын хастаханәгә китергәннәр.

Ә менә руль артында утырган яшьтәшенә сораулар туган. Электровелосипедның куәте 3 кВт тәшкил иткән, шуңа күрә идарә итү өчен «М» категориясе хокуклары кирәк, алар уфалыда булмаган.

Материаллар балигъ булмаганнар эшләре буенча комиссиягә тапшырылган — кызның әти-әнисенә тиешенчә тәрбия бирмәгән өчен җаваплылык яный, ә гаиләне профилактик исәпкә куярга мөмкиннәр.

Чыганак :@vsyaufa