Исерек мәктәп укучысы машинада бер хатынны бәрдереп үтергән

Һәлакәт 11 октябрьдә 21:00 сәгатьтә Карагандинская урамында була. Дәүләт автоинспекциясе мәгълүматлары буенча, 15 яшьлек яшүсмер «Лада» руле артында машина кырыеннан барган хатын-кызны бәрдергән. Зыян күрүче ашыгыч ярдәм килгәнче үлгән-аңа 35 яшь булган. Яшүсмер машинасын ташлап китә, ә соңрак әти-әнисе белән кайта. Укучының законлы вәкилләре барында «Алкотектор» приборы белән тикшергәннәр: нәтиҗә 0,430 мг/л тәшкил иткән. Егет җиңел машина руле артында нәкъ менә ул булуын таныган, шул ук вакытта аның машина йөртү таныклыгы булмаган. Балигъ булмаган балага карата административ эшләр кузгату турында билгеләмәләр чыгарылган, шул исәптән правасыз идарә итү һәм юл-транспорт һәлакәте урынын калдыру.

Шулай ук җинаять эше кузгатылган. Яшүсмер тоткарланган.