Грузиядә Русия туристкасының үле гәүдәсе табылган

Кыз 30 августта кунакханәдән Местиага китә. Якынча 13:00 тирәсендә ул соңгы тапкыр туганнары белән элемтәгә чыга. Мария Чалаадига һәм алга таба Батумига җыена. Эзләүләр 31 августта аның әнисе социаль челтәрләрдә чаң сукканнан соң башланды. Соңрак Мария йөргән автомобиль Чалаади бозлыгы янындагы парковкада табылган. Коткаручылар һәм волонтерлар урынны тикшереп чыккан.

1 сентябрьдә бозлыктан ерак түгел елгада кызның гәүдәсен табалар. Төгәл шартлар һәм үлем сәбәбе әлегә ачыклана.