Баймак районында торак йортта газ шартлаган: зыян күрүчеләр бар

Газ-һава катнашмасы Калинино авылындагы торак йортта шартлаган. Гадәттән тыш хәлдә ике кеше — 75 яшьлек ир-ат һәм 65 яшьлек хатын-кыз зыян күргән.

Икесе дә термик җәрәхәтләр алган, зыян күрүчеләрне ашыгыч ярдәм белән Сибай шәһәр хастаханәсенең хирургия бүлегенә китергән. Беренчел мәгълүматлар буенча, һәлакәтнең сәбәбе газ җиһазларын эксплуатацияләгәндә янгын хәвефсезлеге кагыйдәләрен бозу булган.