Туган көнендә батып үлгән...

Уфаның гражданнарны яклау идарәсе хәбәре буенча, рөхсәт ителмәгән урында (Орджоникидзе районының “Локомотив” бакчачылар ширкәте тирәсендә) су коенганда Агыйдел елгасы ярында яшь ир-ат һәлак булган. Бу көнне аңа 22 яшь тулган, һәм ул үзенең туган көнен бәйрәм иткән. Яшьләр компаниясе белән су буенда ял иткәндә, егет елганы агым уртасындагы судно бакенына (Судно бакены – якорьга беркетелгән йөзмә навигация билгесе, ул судно йөрешенең хәвефсез чикләрен күрсәтә. – Авт.) таба йөзеп чыгарга уйлаган.  

Кичә һава температурасы +13° градустан артмаган иде, су салкын, ә елагад агым көчле булган. Егет бакенга кадәр барып җиткән, ләкин кире  йөзгәндә бата башлаган. Дуслары ярдәм итәргә тырышып караган, ләкин аны коткарып кала алмаганнар. 

Чыганак: bashinform.ru