Русиядә яшәүче 120 яшьлек әбинең кулы сынган

Ул – Русиядә иң өлкән яшьтәге әби.  Грозныйда яшәүче озын гомерле әби 19 августта өендә очраклы рәвештә имгәнгән. Хәзер Яха хастаханәдә табиблар һәм якыннары  күзәтүе астында. Яханың 6 баласы, 20 оныгы һәм 48 оныкчыгы бар.

120 яшьлек Яха Хашагова – Урыс-Мартан районының Алхазуров авылында туган. Ул патша хакимияте вакытында да, СССРда да яшәгән. Аның яше паспорт белән раслана: туган көне итеп 1905 елның 10 сентябре санала. Гомеренең күп өлеше 1987 елга кадәр авыл хуҗалыгында терлекче булып эшләгән. 1974 елда тол кала, 6 бала үстерә. Яха Русиянең иң өлкән кешесе дип танылган, ул дөньяның иң өлкән кешесе исеменә дә дәгъва итә ала. Тиздән аңа 121 яшь тула.